உலகில் எல்லா நாடுகளிலும் அருங்காட்சியகம் உள்ளது அந்த அருங்காட்சியகத்தில் நாட்டின் புராதன சின்னங்களும், தொல்பொருட்களும், ப‌ண்டைய நாகரீகங்களின் எச்சங்களும் காட்சிப்படுத்தப்படும். அவை அந்த நாட்டின் தொன்மையையும் புராதனப் பெருமையையும் பறைசாத்தவும் இளைய தலைமுறை பிற நாட்டவர்க்கு கற்பிக்கவும் எடுத்துரைக்கவும் காட்சிப்படுத்தப்படுகின்றன.

இந்த வகையில் தமிழ் மொழி உலகின் தொன்மைவாய்ந்த மூத்த மொழி. உலகின் பல மொழிகளுக்கு தாயாகவும் பல நாகரீகங்களுக்கு தோற்றுவாயாகவும் விளங்குவது தமிழ். இந்த மொழியை பாதுகாப்பதும் இத‌ன் தொன்மையையும், வள‌த்தையும் நேர்த்தியையும், அறிவியல் தன்மையையும் உலகிற்கு எடுத்துரைப்பதற்கும் இளைய தலைமுறையினருக்கு கற்பிக்கவும் அருங்காட்சியகம் அமைப்பது அத்தியாவசியமாகின்றது..